My New Habba !!

Today I present to you my new IT song for sha3lilha walla3ha parties:






I love to dance, and this song just tickles me right :)) .. I know what some of you might think, but hey,.. we all have some shameful indulgences, right ? :'/



Ako ba3ad this song:

Please disregard the stupid video. Just pump up the volume and shake your thing ..

.
.

What's your shameful indulgence? ;)

أدري انه يحبني

كلي يقين انه يحبني

رغم اني وايد وايد مقصرة معاه

ومهما أحاول لا يمكن إني اوفيه حقه

كلي يقين انه معاي بكل لحظة

بس أهمس باسمه

وأناجيه بوسط الليل وأناديه

أحسه يسمعني، يحوطني برعايته، ويحتويني

.

.

ذاك اليوم

اتصلت علي صاحبتي اللي من زمان ما ادري عنها

:عقب السلام والسؤال عن الأحوال قالت لي

فلانة الفلانية بقعدة أمس كانت تتكلم عنك

وتقول اش كثر هي تحبج

واشلون انتي من بد البشر معدنج ذهب أصلي

تفاجأت بصراحة بهذا الكلام

وانربط لساني

فلانة هذه بالذات أدري انها ما تحبني

ولا تستحمل وجودي

وكانت هي السبب في إني ابتعدت تدريجيا عن هذه الشلة

وراح مخي بعيد وسرحت باللي كان بيني وبينها

.

.

كنت لما اقعد معاهم

لازم تقط نغزات علي، على لبسي على سيارتي ، على أي شي يخطر في بالها

ولما تسولف وتتكلم

ما تطالع صوبي

كنت لما أتكلم، تسفّه بكلامي

!!وتقول لي ترى انتي بهالسوالف راح اييج يوم ويمل منج اكس ريلج

بديت اتعب نفسيا منها

وعقب كل لقاء يجمعني معاها كنت أرجع البيت وقلبي مخنوق

أذكر مرة، وايد حطت علي ووايد ضغطتني

انا اكتفيت بالابتسام

بس لما رجعت البيت ولبست ثوبي عشان اصلي العشا

خنقتني العبرة

وأنا اصلي بديت أبجي، وما قدرت أوقف

على نهاية الصلاة كان صوتي مسموع

وقمت بس أدعي الله انه يخليها تحبني

المصيبة انه باقي الشلة ما كانوا حاسين بهذا الشي

وانا ما حبيت اني أشكي وأطلع بمظهر الطفلة الدلوعة اللي ما تستحمل ولا كلمة

فقررت إني أنسحب بهدوء من غير ما يحسون

وهذا اللي صار

.

.

قبل فترة سمعت انها حامل

وانها وايد تعبانة بحملها

طبعا بدافع العيش والملح اللي كان بيننا اتصلت عليها

وسولفت معاها واتطمنت عليها

ووصيتها انها تبلغني أول ما تولد

وفعلا وصلني منها مسج لما ولدت بالسلامة

بدلت ثيابي فورا ورحت لها قبل كل المعازيم وقعدت معاها

هل هذا هو السبب اللي خلاها تتغير؟

هل توقعت اني ما راح أهتم ولا أسال فيها؟

.

.

ألوووو... ألوووو... جليتر وين رحتي ؟؟؟

انتبهت على صوت صديقتي بالتلفون

كاني كاني معاج

رديت عليها

تكمل كلامها وتقول

وايد صارت سوالف بهالسنتين اللي غبتي فيهم عنا

تدرين إنها تمشكلت مع زوجها وصارت سالفة عودة وانفصلوا ألحين

شهقت : لآ حول ولا قوة إلا بالله

:تكمل صديقتي كلامها وتقول

ألحين كل سوالفها عنج

واحنا بعد يا جليتر ترانا ولهنا عليج

ودنا نشوفج قريب

.

.

في هذه الليلة وصلني منها مسج

"GG, I miss you :* Can we all meet for dinner sometime this week like we used to do? Pls let me know"

.

.

أدري ان هالسالفة قد تكون سخيفة برأي البعض

ولكن ما أنكر انها في يوم سببت لي الكثير من الهم والأسى

ولكل اللي يمر بلحظات صعبة

يحس فيها بالاحباط واليأس

أقول لكم الله فوق

شايف وسامع

الصبر ثم الصبر

واحتساب الأجر بالصبر

واذا دعيتوا الله

بقلب متضرع مخلص

فكونوا على يقين من الاجابة

.

.

اللهم إني أسألك حبك، وحب من يحبك، وحب عمل يقربني إلى حبك

اللهم إني أسألك الشوق إلى لقائك

و لذة النظر إلى وجهك الكريم

.

.

هل تحس إن الله يحبك؟