Sharing is Caring

Cacao Crazy

Most of my contacts have this image as their dp,

and it's too cute not to share,

the image that is, not the food ;)

جنات

تعرفون منو جنات

؟

أنا بصراحة ما أعرفها ولا عمري سمعت عنها

يتني أختي ذاك اليوم جان تقول لي جليتر انتي شفتي مسلسل زهرة وأزواجها الخمسة برمضان؟

قلت لها أبد ولا حلقة، ليش؟

جان تقول لي حسافة طافتج أغنية المقدمة والنهاية، أحلى شي بالمسلسل

المهم، عقب السوالف والحجي ويوم رجعت البيت وصار بالليل

حطيت على يو تيوب

"تتر بداية مسلسل زهرة وازواجها الخمسة"

يا سلاااااااام

شنو صوت خيال

كله رقة وعذوبة

أخيييييييييه

طول عمري اتمنى يكون صوتي حلو

Sweetness

دايما تضحك علي لما أقول لها

تقول لي اش تبين بالصوت الحلو؟ يعني بتصيرين مغنية مثلا

أقول لها لا، شي حقي، بيني وبين نفسي، عشان حتى لما أرتل القرآن، على الأقل أستانس وآنا اسمع نفسي

:/

عاد اهيا شنو صوتها حلو ما شاء الله ماشاء الله

لما نطلع بالسيارة وتندمج بالاغنية أنا أخمر وأسكت بس عشان اسمعها تغني

أقول لها فلان زوجج ما يستانس لما يسمعج تغنين

تقول لي : لا أبد، أصلا ما أغني جدامه، واذا سهيت وغنيت يقول لي اشش سكتي خل أسمع أليسا

!!

ويه بعد قلبي اكس، دبلت جبده يا بعد جبدي وانا كل ما يسألني سؤال، ألحّن وأغنيله الاجابة

ما علينا

نرجع حق موضوعنا

جنات، أحد يعرف لها أغنية حلوة؟

دورت باليو تيوب باقي اغانيها كله دقة مصرية حسافة مو شي رومانسي يطلع جمال صوتها

اي بعد نسيت

تدرون منو اللي صوتها بعد عذاب

بس حرام ما خذت صدى على الساحة الاعلامية

هند البحرينية

هلا باللي يراضيني، ربيع القلب والوانه

هلا به يوم يناديني، أعوف الكون علشااانه

صوتها قوي ورنته حلوة

حبيتها أكثر يوم أبكتني في أغنية مسلسل ظل الياسمين

اللي حطوه برمضان اللي فات

لا تلوم هذا الوقت أو تشره عليه ، اشره على اللي ما وفا لك يوم فيه

من جاك خطوة ردها له خطوتين، ومن ما شرى قربك أبد لا تشتريه

يمكن من رحمة ربي علي إنه صوتي نشااز

جان مع ميولي الطربية ونزعاتي الرقصية وهفات نفسي للحفلات

الله العالم وين كان راح يكون مصيري

:/

.

.